Jo lamhe the sukoon ke sab Madine me guzaar aaye
Dil e muztar watan me ab tujhe kyunkar qaraar aaye
Khazaan ko hukm hain daakhil na ho Taiba ki galio me
Ijazat hain naseem aaye, saba aaye, bahaar aaye
Wo basti ahle dil ki aur deewaano ki basti hain
Gaye jitne khirad naazaan wo daaman taar taar aaye
Jabeen ho unke dar par haath me roze ki jaali ho
Ye lamhe zindagi me ae Khuda phir baar baar aaye
Ta'ayun Mimber aur Mehraab ka kyunkar bhala hota
Jahaan naqsh e qadam dekhe wahi sajde guzaar aaye
Qalam jab se hua hain khum Adeeb Aqa ki midhat me
Bare rangeen hue mazmoon bare naqsh o nigaar aaye
Naat Khawaan: Alhaj Muhammad Owais Raza Qadri
Writer: Adeeb Raipuri
