Ae kash tasawwur me madine ki gali ho
Aur yaad-e-muhammad bhi mere dil me bassi ho
Do soz-e-bilal aqa mile dard raza sa
Sarkar ataa ishq-e-owais-e-qarni ho
Ae kash main ban jaoon madine ka musafir
Phir roti hui taiba ko baraat chali ho
Phir rahmat-e-bari se chaloon suay madina
Ae kash muqaddar se muyassar wo ghari ho
Jab aoon madine me to ho chaak gareebaan
Aankhoon se barasti hui ashkoon ki jharri ho
Ae kash madine me mujhe maut yoon aaye
Chaukat pe tere sar ho meri rooh challi ho
Jab le ke challo gareebaan ko janaaza
kuch khaak madine ki meri mere mun pe sajji ho
Jis waqt nakeerain meri qabr me aaye
Uss waqt mere lab pe sajji naat-e-nabi ho
Allah karam aisa kare tujh pe jahaan me
Ae dawat-e-islami teri dhoom machi ho
Sadqa mere murshid ka karo door balaaye
Ho behteri us me jo bhi armaan-e-dilli ho
Allah ki rahmat se to jannat hi mille gi
Ae kash mahalle me jaga unki milli ho
Mahfooz sada rakhna shaha be-adabi se
Aur mujh se bhi sarzad na kabhi be-adabi ho
Attar hamara he sar-e-hashr isse kash
Dast-e-shah-e-battha se yehi chitthi milli ho
Naat Khawaan: Alhaj Muhammad Owais Raza Qadri
Writer: Allama Moulana Ilyas Attar Qadri Razvi
Image courtesy of: http://www.islamiclyrics.net/owais-raza-qadri/